Украинскиот стратег Андриј Шевченко доби отказ од Џенова. Слабите резултати и само трите освоени бода во девет натпревари беа клучен фактор за да замине од италијанскиот клуб.
Сепак, легендарниот напаѓач на Милан нема долго да чека на нов ангажман.
Имено, тој започнал преговори повторно да биде селектор, овојпат на селекцијата на Полска.
Доколку тоа се случи, тој би го заменил Паоло Соуса, кој отстапи од селекторската позиција за да го преземе бразилскиот гигант Фламенго.
Шевченко би ги предводел Полјаците против Русија, во полуфиналниот натпревар од квалификациите за Светското првенство во Катар.
