Англиската Премиер – лига ја изгради својата „Куќа на славните“ по моделот на НБА. Првите пет легенди кои влегоа во ова елитно друштво беа Ерик Кантона, Стивен Џерард, Алан Ширер, Рој Кин и Денис Бергкамп.
Во март им се придружија уште двајца незаборавни фудбалери, Вејн Руни и Патрик Виеира, а Премиер – лигата избра уште шест „величенствени“.
Новите ѕвезди на „Куќата на славните“ во Премиер – лигата се Серхио Агуеро и Винсан Компани од Манчестер Сити, легендите на Манчестер Јунајтед, Пол Сколс и Питер Шмајхел, иконата на Челси, Дидие Дрогба и миленикот на „топчиите“, Јан Рајт.
