Пеп Гвардиола е комплетно фокусиран на финалето на Лигата на шампионите, па Манчестер Сити само го „одработува“ првенството во Премиер – лигата каде веќе ја осигура шампионската титула. „Граѓаните“ загубија на гостувањето против Брајтон со 3-2, откако речиси цел натпревар одиграа со фудбалер помалку. Жоао Кансело беше исклучен во десеттата минута од мечот.
Претходно, Гундоган отвори во корист на „граѓаните“ уште во втората минута, а Фил Фоден во 49.минута зголеми на 0-2. Но, Брајтон потоа направи комплетен пресврт.
Леандро Тросар и Адам Вебстер се погрижија за израмнување, а Ден Брн во 76.минута го постигна победничкиот погодок.
