Севилја дојде до втор триумф во Ла Лига оваа сезона откако на домашен терен го совлада Валјадолид со 2-1.
Севилја поведе во 45. минута со автоголот на Давид Торес, но гостите израмнија преку Кике Перез во 56.минута.
Нигерискиот интернационалец Чидера Еџуке беше стрелец на победничкиот гол за Севиља во 85. минута од дуелот. Домашниот тим потоа остана и со фудбалер помалку откако во финишот беше исклучен Маркао.
Валенсија пред своите гледачи ремизираше без голови против Осасуна. Македонскиот репрезентативен голман Столе Димитриевски повторно беше на клупата за резерви.
