Српскиот интернационалец Сергеј Милинковиќ Савиќ во летниот преоден рок ќе го засили Реал Мадрид, открива шпанскиот „Дон Балон“. Тој треба да биде наследник на Лука Модриќ во средниот ред на „кралскиот клуб“.
35-годишниот Модриќ одигра одличен натпревар против Аталанта, покажа дека може и понатаму да настапува на врвно ниво, но Зинедин Зидан знае дека полека треба да го бара неговиот наследник. Тој има одлично мислење за Сергеј Милинковиќ Савиќ и смета дека ѕвездата на Лацио би била одлично решение во линијата за врска.
Трансферот би требало да изнесува 70 милиони евра, а Лацио би можел да добие и уште еден помлад фудбалер на „кралскиот клуб“ на позајмица.
Сергеј Милинковиќ Савиќ оваа сезона во дресот на Лацио одигра 31 меч, постигна шест гола и запиша девет асистенции.
