Историја…Грузија е последниот чекор за Македонија до пласман на Европското првенство, а поранешниот репрезентативен голгетер Ѓорѓи Христов, без суета, вели дека оваа генерација е најдобрата наша во историјата. Тоа го покажуваат резултатите.
„Во изминатите речиси три децении, ниту една наша генерација македонски фудбалери не била близу до Европско првенство и ова е потврда дека овие момци се најдобри. Фаворити сме против Грузија, имаме фудбалери кои играат во силни клубови во најголемите европски лиги. Сите се надеваме на пласман на Македонија на ЕП“, вели Ѓорѓи Христов.
