Седумгодишниот Марко – најмладиот фан што ја бодреше Македонија во Палермо

Фудбалската репрезентација на Македонија направи чудо во Палермо елиминирајќи ја Италија, а овој голем триумф засекогаш ќе остане во сеќавањата на најмладиот фан која го бодреше националниот тим на „Ренцо Барбера“, седумгодишниот Марко Јорданов. Тој со својот родител беше на трибините, а потоа се фотографираше и со селекторот Благоја Милевски.

„Италија е многу силна, а ние на крајот ја победивме. Кога даде Александар Трајковски гол, сите скокавме од радост. Ќе навиваме и против Португалија и сакам Македонија да оди на Светското првенство“, вели малиот Марко.