Седум медицински работници се обвинети за несовесно и неодговорно однесување ноќта на 25 ноември, кога почина легендарниот фудбалер Диего Армандо Марадона. Истрагата покажа дека Марадона починал во агонија.
Обвинителството покрена обвинение против неврохирургот кој го оперираше, друг лекар, психијатар и психолог и три медицински сестри. Состојбата на Марадона нагло се влоши пред неговата смрт и беа покренати обвиненија за „едноставно убиство со можна намера“.
На почетокот на овој месец, медицинските експерти открија дека работата на здравствените работници со Марадона е „несоодветна, полна со недостатоци и несовесна“. Како резултат на тоа, им се заканува затвор од 8 до 25 години.
Аутопсијата покажа дека Марадона починал од насобирање на течност во белите дробови, што довело до срцева слабост.
Судењето треба да започне на 31 мај со сведочење на обвинетите, на кои не им е дозволено да ја напуштат земјата до крајот на постапката.
