Шкупи со пресврт ја победи (1-3) Академија Пандев во Струмица, а тренерот Гоце Седлоски заслугите им ги припиша на фудбалерите. Со овој триумф тимот од Чаир се врати на врвот на табелата во Првата фудбалска лига.
„Сакам да им честитам на фудбалерите за победата. Ова е многу важен триумф за нас, мислам дека заслужено ги освоивме бодовите. Замените ни донесоа донесоа енергија, тргнавме во напад, создадовме многу шанси и на крајот успеавме да триумфираме. Не би сакал да ги коментирам пеналите. Сега ќе се посветиме на подготовка на следниот дуел против Работнички“, изјави Седлоски по натпреварот.
