Се разиграа пулените на Боби Милевски, настрада Бугарија (5-1)

Младата фудбалска репрезентација на Македонија до 21 година оствари убедлива победа (5-1) против Бугарија во последниот трет натпревар од пријателскиот турнир во Анталија. По поразот од Казахстан (1-2) и ремито со Словачка (2-2), новите пулени на Боби Милевски конечно одиграа според очекувањата и квалитетот.

Македонија поведе во десеттата минута, откако гостинскиот голман Вуцов ја боксуваше топката, а во продолжението од акцијата погодок постигна Илиевски. Во 30.минута, селекцијата на Милевски зголеми на 2-0, со голот на Гроздановски.

Бугарите намалија на 2-1 на почетокот на второто полувреме преку Јанков, но до крајот доминираше Македонија.

Во 58.минута, Македонија постигна трет погодок по одличната реакцијата на Методи Максимов, а потоа фудбалерот на Работнички со удар со глава зголеми на 4-1 во 76.минута. Петтиот гол беше дело на Калкан, во 80.минута од натпреварот.