Англија и Словачка се среќаваат на „Велтинс Арена” во Гелзенкирхен во 18 часот во третиот од осминафиналните дуели на ЕВРО 2024. Победникот од овој натпревар ќе се соочи во следната фаза од турнирот со Швајцарија, која вчера го детронизира европскиот шампион Италија.
Англичаните имаат апсолутна доминација во директните дуели, имајќи пет победи и едно реми во шесте последни натпревари против Словачка.
Герет Саутгејт направи само една промена од натпреварот со Данска. 19-годишниот талент на Манчестер Јунајтед, Коби Мејну, кој досега има само пет натпревари за националниот тим, добива шанса да започне на местото на Конор Галахер во средниот ред.
Фил Фоден, кој оваа недела се врати во Англија поради раѓањето на неговото трето дете, исто така започнува како стартер.
Франческо Калцона се одлучи за истиот тим што започна и на натпреварот со Романија.
Ова значи дека Давид Стрелец повторно е избран како напаѓач пред Боженик. На крилните позиции се Шранц и Хараслин.
Англија: Пикфорд, Вокер, Стоунс, Гуехи, Трипие, Рајс, Мејну, Белингам, Сака, Кејн, Фоден.
Словачка: Дубравка, Пекарик, Вавро, Шкриниар, Ханко, Куцка, Лоботка, Дуда, Шранц, Стрелец, Хараслин.
