
Напаѓачот на Ал-Итихад, Карим Бензема, нема да го напушти клубот во јануарскиот преоден рок и покрај неговата желба да се врати во Европа. Французинот не се појави на почетокот на зимските тренинзи и тренерoт Марсело Галјардо привремено го отстрани од тимот.
Ова веднаш ги поттикна шпекулациите дека поранешната ѕвезда на Реал Мадрид наскоро би можела да биде продадена. Се зборуваше за интерес од Челси и од Манчестер Јунајтед.
Сепак, шефовите на саудискиот суверен фонд за јавни инвестиции и Министерството за спорт инсистираат Бензема да остане во Ал-Итихад. Носителот на „Златната топка“ е важен дел од стратегијата за развој на саудискиот шампионат.
Бензема му се приклучи на Ал-Итихад како слободен играч минатото лето. Од почетокот на сезоната има 24 настапи и 15 голови во сите натпреварувања.
Договорот на Французинот со клубот е до 2026 година.

-
МАКФУДБАЛ ТИМ НА СЕЗОНАТА ВО ПРВАТА ЛИГА
Шкендија ја освои шампионската титула во Првата лига, а излез во Европа и настап...
Автор makfudbal
-
МАКФУДБАЛ ИГРАЧ НА СЕЗОНАТА: Бесарт Ибраими (Шкендија)
Тој е човек – титула. Каде игра Бесарт, тимот ја освојува шампионската круна. Така...
Автор makfudbal
