Саша Илиќ од Кина: Мотивот е огромен, условите одлични (ФОТО)

Македонскиот тренер на голмани Саша Илиќ одреден период веќе работи во стручниот штаб на кинескиот клуб Шенжен. Тој доби понуда и потпиша двегодишен договор со посредство на менаџерот Никола Томиќ, а условите за работа, како што може да се забележи, се фантастични.

„Мотивот е огромен, условите одлични и продолжуваме со напорна работа“, вели од Кина, Саша Илиќ.

Главен тренер на Шенжен во моментот е Кореецот Ли Џанг Со. Тој му беше тренер и на Стојан Игњатов кога беше дел од Пекинг Гуан во сега далешната сезона 2007/08.