Сампдорија му даде отказ на Андреа Пирло

Сампдорија го отпушти тренерот Андреа Пирло. По само еден освоен бод во три натпревари, клубот одлучи да ја прекине соработката со легендата на италијанскиот и светскиот фудбал.
Поразот од Салернитана беше „капката која ја прелеа чашата“.

Одлуката на клубот е Пирло да биде заменет од Андреа Сотил, кој пред само еден месец поднесе оставка на местото тренер на Салернитана.

Минатата година Пирло успеа да ја одведе Сампдорија до плејофот на Серија Б, но не и да обезбеди промоција во Серија А.