Најдобриот фудбалер на Ливерпул,Мохамед Салах,потврди дека за две седмици ќе игра во финалето на Лигата на шампионите против Реал Мадрид, иако по повредата на препоните се стравуваше дека во најлош случај сезоната за него ќе биде завршена.
Салах падна на земја во финишот на првото полувреме против Челси во финалето на ФА купот на Англија и поради болки не можеше да го продолжи мечот, отстапувајќи му го местото на Диого Жота.
Неизвесноста траеше до крајот на мечот кој Ливерпул го доби на пенали, а Салах на новинарите им го кажа одговорот на едно клучно прашање.
„Дали ќе играм во финалето на Лигата на шампионите? Секако!“, изјави Салах.
Дуелот против Реал Мадрид на стадионот „Сен Дени“ во Париз е закажан за в сабота на 28 мај.
