Садио Мане по вторпат во кариерата е избран за најдобар фудбалер во Африка. Сенегалецот минатата сезона блесна во дресот на Ливерпул и неговата репрезентација и сосема заслужено доби големо признание од Африканската фудбалска конфедерација.
Второто место во изборот му припадна на Египќанецот Мохамед Салах од Ливерпул, а на третото е сенегалскиот голман Едуард Менди од Челси.
Мане го предводеше Сенегал на нивниот пат до нивната прва и историска титула на Африканскиот куп на нации. На 6 февруари годинава, во финалето на турнирот што се одржа во Камерун, Сенегал по подобро изведување на пенали го совлада Египет, а решавачкиот гол го постигна Мане од белата точка. Само месец и половина подоцна, Сенегал се пласираше на Светското првенство во Катар, повторно во двомеч против Египет и повторно по подоброто изведување пенали.
Садио Мане минатата сезона со Ливерпул беше вицешампион на Европа и на Англија, а беше одликуван со трофеи во ФА Купот и Лига Купот на Англија. Од 2016 година ги освои сите пехари што можеше да ги освои со тимот од „Енфилд“, а од новата сезона ќе настапува во дресот на Баерн Минхен.
🇸🇳 Sadio Mané crowned African Player of the Year for the second time 🥇
— UEFA Champions League (@ChampionsLeague) July 22, 2022
📸: @CAF_Online#UCL pic.twitter.com/DLRZFjtT0s
-
Ексклузивна колумна на Филип Лам: Чаби Алонсо – творецот на шампионот од Леверкузен
Фудбалот е, за среќа, игра. Победата и поразот понекогаш доаѓаат случајно. Кога се среќаваат...
Автор makfudbal
-
(ИН)ДИРЕКТ: Селекторе, јас не сум среќен со ваква Македонија!
Мартовскиот циклус за некого ширум Европа донесе радост каква што ние почувствувавме во 2021...
Автор Nikola Gjurovski