Најдобриот играч на репрезентацијата на Сенегал, Садио Мане, нема да може да настапи на Светското првенство во Катар. Напаѓачот на Баерн се најде на списокот на селекторот Али Сисе и се веруваше дека ќе може да се опорави барем за еден натпревар на Светското првенство.
Но, тоа нема да се случи и тој е целосно отпишан, што се официјализираше вечерва. Притоа тој ќе мора да оди на операција.
Претходно беше објавено дека Мане дефинитивно нема да игра на воведниот натпревар против Холандија.
