Се помали се шансите германски дефанзивец Антонио Рудигер следната сезона да игра за Челси, но има шанси да остане во Лондон и да заврши во редовите на Тотенхем.
Според „Фудбал инсајдер“, менаџерот на Тотенхем, Антонио Конте, има одлично мислење за Рудигер, па во соработка со спортскиот директор Фабио Паратичи ќе се обиде да ја засили понудата и во јануари да го добие германскиот репрезентативец.
Јасно е дека Тотенхем ќе има тешка задача, со оглед дека за стоперот интерес појавуваат Реал Мадрид и Пари Сен Жермен, Неговиот договор со Челси истекува на 30 јуни и тој ќе може како слободен агент да избере нова средина.
Тотенхем тешко ќе може да се бори со овие гиганти, но Конте ќе се обиде да го убеди Рудигер да остане во Лондон, чиј жител е од летото 2017 година, кога пристигна од Рома.
