Селекторот на фудбалската репрезентација на Романија, Мирел Радои, не се откажува од можноста да го предводи националниот тим на утрешниот натпревар против Македонија. Тој денеска и утре треба да добие два негативни теста за да му биде овозожено да ја прекине изолацијата и да седне на клупата на стартот од квалификациите за СП 2022 во Катар.
Досега тој комуницира со фудбалерите и со асистентите во стручниот штаб преку „зум“ апликацијата.
„Очекуваме пријатно изненадување, селекторот да ни се приклучи, а тоа ќе зависи од тестовите за Ковид-19. Доколку се биде в ред и добие негативни тестови, ќе биде со нас, но и во спротивен случај, секако сме добро организирани. Комуницираме со него на „зум“, тој задава задачи, а сите ревносно ги извршуваат“, вели асистентот Николае Дика, кој го менува Радои во периодот додека романскиот селектор е во изолација.
