Кристијано Роналдо сака да се врати во Реал Мадрид ова лето, според шпанскиот весник “АС”. Весникот додава дека Португалецот нема да дозволи можни финансиски пречки да застанат на патот на неговото враќање на “Сантијаго Бернабе”.
Во Јувентус, наводно, се свесни дека иднината на Роналдо зависи само од напаѓачот и дека доколку тој сам побара трансфер, тие ќе мора да се согласат бидејќи договорот му истекува следното лето.
Се верува дека “бјанконерите” ќе побараат минимум 25 милиони евра за услугите на Кристијано. Сепак, “АС” додава дека ниту еден клуб досега не го контактирал Јуве околу можноста за трансфер на петкратниот освојувач на “Златната топка”.
