Португалската ѕвезда Кристијано Роналдо, нема намера да го напушти Манчестер јунајтед. Тој истакна дека е возбуден да почне да работи со новиот менаџер на „ѓаволите“, Ерик тен Хаг.
Роналдо за официјалниот веб-сајт на клубот вели дека ќе му биде потребно време на 52-годишниот Тен Хаг да успее во клубот.
„Тоа што го знам за него е дека заврши фантастична работа со Ајакс, дека има огромно искуство. Но, треба да му дадеме време. Треба да се сменат работите според неговите желби. Се надевам дека ќе имаме успех и му посакувам многу среќа во работата. Сите сме среќни и возбудени, не само како фудбалери, туку и како навивачи на клубот. Сакам да верувам дека од следната година ќе освојуваме титули“, изјави Роналдо.
Португалецот постигна 24 гола на 38 натпревари по враќањето на „Олд Трафорд“.
