Кристијано Роналдо дојде во Ал-Наср, но тука нема да застанат засилувањата на амбициозниот саудиски клуб. Финансиите не се проблем, па раководството на клубот сака да го доведе и Еден Азар, фудбалерот кој е на излезна врата од Реал Мадрид. Тој беше доведен како огромно засилување за „кралевите“, но не покажа ниту дел од своите квалитети на „Сантијаго Бернабеу“.
Руди Гарсија, кој е предводник на Ал-Наср, соработуваше со Азар во Лил, каде Белгиецот и првпат блесна на европска сцена. Би можеше повторно да ја обноват соработката во Саудиска Арабија.
