Настапот на Португалија на Мундијалот во Катар заврши во четвртфиналето со неочекувана елиминација од Мароко. Кристијано Роналдо го заврши Мундијалот во солзи, а донесе одлука дали и понатаму ќе игра за оваа селекција.
Португалската фудбалска репрезентација отпатува во Катар со цел да го освои Светското првенство, но на крајот успеа само да се пласира во четвртфиналето. Таму беа запрени од Мароко, кој е апсолутна сензација и прва африканска репрезентација која се пласираше во полуфиналето на Светското првенство.
Кристијано Роналдо постигна само еден гол во Катар, во првото коло против Гана (3-2), а ова му беше петто Светско првенство на кое не постигна гол во нокаут фазата.
Не беше ниту во стартните 11 во осминафиналето и во четвртфиналето, а пред неколку дена легендарниот Луиш Фиго го наведе ова како причина за испаѓањето од Мароко и го обвини селекторот Фернандо Сантош и неговиот стручен штаб дека прелесно се откажале од Роналдо.
Сепак, Роналдо одлучи да игра за националниот тим и во циклусот за ЕВРО 2024. Мислењата се поделени, а за тоа говори и анкетата што ја спроведе „А Бола“ пред мечот со Швајцарците.
Португалците гласаа дали Роналдо треба да биде во стартните 11 против Швајцарија, а 70% од учесниците во анкетата рекоа – НЕ.
