Освојувачот на трофејот во Конференциската лига на УЕФА, тимот на Рома ја одби понуда од англискиот премиерлигаш Њукасл за капитенот Лоренцо Пелегрини. Според „Кориере дело Спорт“, Њукасл доставил понуда од 60 милиони евра, но Италијанците веднаш ја одбиле и јасно ставиле до знаење дека нема преговори за Пелегрини.
Лоренцо Пелегрини имаше одлична сезона со Рома и покажа добра форма на последните натпревари на италијанската репрезентација во Лигата на нации.
Тој е роден во Рим и се смета за симбол на Рома. Пелегрини самоуверено ги следи стапките на клупските легенди Франческо Тоти и Даниеле Де Роси.
