Шпанскиот репрезентативец Родри ги сподели своите очекувања за полуфиналето против Франција на ЕВРО 2024.
„Франција е, ако не најсилната, тогаш една од двете најсилни репрезентации во светот. Тие постојано ја докажуваат својата класа во последните години. Французите се многу добро физички подготвен тим, лидери во тој поглед. Тие се силни и кога ја имаат топката и при контранапади. Располагаат со многу талентирани фудбалери“, изјави Родри.
„Сепак, ние не се плашиме. Тука сме за да ја освоиме титулата. Не летаме во облаци и свесни сме против каков противник се соочуваме. Знаеме што треба да направиме“, додаде играчот од средниот ред на „црвената фурија“.
Тој одговори и на прашањето дали се смета за еден од фаворитите за освојување на „Златната топка“.
„Јас не се борам за индивидуални награди. Гледам на фудбалот на поинаков начин. Ако некој реши да го цени мојот труд – добро, но тоа не е нешто кон кое се стремам“, подвлече Родри.
