Легендарниот фудбалер на Барселона, Бразилецот Ривалдо, смета дека Лионел Меси ќе остане на „Камп Ноу“ и по завршувањето на сезоната. Договорот на Аргентинецот истекува во јуни, а тој се уште ги држи во неизвесност раководните луѓе на Барселона, но и другите клубови кои се заинтересирани за негов ангажман.
„Откако Лапорта дојде повторно на раководната позиција во клубот, атмосферата е многу подобра, а тимот победува. Лионел Меси исто така е на своето ниво, најдобар на светот. Мислам дека сега ситуацијата е многу поинаква и дека тој ќе прифати да остане на „Камп Ноу“ и во наредниот период“, вели Ривалдо.
Барселона во моментот е на втората позиција во Ла Лига со 62 бода, четири помалку од лидерот Атлетико Мадрид.
