Александар Ристевски и следната сезона ќе биде клучен играч во одбраната на Пелистер. Битолскиот клуб пред малку се огласи на социјалните мрежи, потврдувајќи дека ја продолжил соработката со еден од своите најистакнати фудбалери.
По именувањето на Димитар Капинковски за нов шеф на стручниот штаб, како и комплетирањето на раководната структура, клубот сега започнува со формирање на играчкиот ростер. Ристевски е првиот фудбалер кој останува дел од тимот и во новата сезона, а од клубот најавуваат дека наскоро ќе следуваат и информации за новите засилувања.
