Франк Рибери (40) во блиска иднина би можел да стане тренер во академијата на Баерн Минхен, објави „Кикер“. Легендарниот француски крилен напаѓач ја заврши кариерата во 2022 година, а моментно е во фаза на дообразување за тренерски лиценци.
Со оглед дека беше член на Баерн Минхен од 2007 до 2019 година, тој сѐ уште поминува многу време во Минхен и остана приврзан за клубот. Затоа, враќањето е многу веројатно.
Рибери мина 12 години во Баерн Минхен, со кој освои 23 трофеи, од кои девет титули во германскиот шампионат, шест купа, а во 2013 година на нив ги додаде Лигата на шампионите, Суперкупот на Европа и Светското клупско првенство. Во својата кариера играше и за САД Булоњ, Олимпик Але, Брест, Мец, Галатасарај, Марсеј, Фиорентина и за Салернитана.
За француската репрезентација собра 81 настап и 16 голови.
Италијанскиот калчолигаш Салернитана беше неговиот последен клуб во играчката кариера, а таму се уште работи како асистент на главниот тренер Фабио Ливерани.
Клубот од Салерно е на последното место во Серија А и му се заканува испаѓање од елитата.
