Реал Мадрид се пласира во четвртфиналето на Купот на Шпанија откако по продолженија го совлада Елче на гости со 1-2. Со пресврт во дополнителниот период за игра, двата гола беа дело на „резервистите“, Иско Аларкон и Еден Азар.
Немаше голови во регуларните 90 минути, а многу повозбудливи се покажаа продолженијата. Марсело доби жолт картон во 102. минута, а само минута подоцна Гонзало Верду донесе водство за Елче.
Но, Реал Мадрид сепак одговори и со играч помалку. Иско израмни во 108.минута, а Азар во 115.минута се погрижи за целосен пресврт и за триумф. Во последните мигови и Елче остана со десетмина поради исклучувањето на Пере Милја.
