Селекторот на фудбалската репрезентација на Мароко, Валид Реграги, по поразот од Франција (0-2) во полуфиналниот натпревар на Светското првенство во Катар изјави дека неговите играчи го дале максимумот и дека е горд поради тоа.
Мароко ќе се сретне против Хрватска в сабота, во дуелот за третото место на Светското првенство во Катар.
„Го дадовме нашиот максимум, тоа е најважно. Загубивме многу фудбалери поради повреди, Агера на загревањето и други играчи во текот на мечот. Тоа беше премногу за нас. Во второто полувреме притискавме, беше многу подобро, но не успеавме да израмниме“, изјави Реграги.
