Милан загуби од Наполи со 0-1 на „Сан Сиро“ и направи голем чекор назад во трката за шампионската титула, а во завршницата од мечот хрватскиот интернационалец Анте Ребиќ доби црвен картон. Италијанските медиуми открија и зошто судијата Фабрицио Паскау му покажа директен црвен картон на напаѓачот на Милан.
„Мајка ти е наполитанска проститутка“, изговорил Анте Ребиќ кон судијата, а овој без двоумење му покажа дека треба да го напушти теренот и да замине во соблекувалната. Поради црвениот картон Ребиќ ќе мора да паузира на два натпревари.
Милан по 27 кола во Серија А има девет бода негатива во однос на лидерот Интер, во трката за шампионската титула.
