Реал Мадрид внимателно го следи развојот на дефанзивецот на Лајпциг, Кастело Лукеба. Според „Марка“, кралскиот клуб испратил свои скаути да ги набљудуваат настапите на Французинот во натпреварот против Атлетико Мадрид во Лигата на шампионите.
На „Сантијаго Бернабеу“ веќе размислуваат за засилување на одбраната следното лето, а Лукеба е едно од имињата кои се на нивната листа. 21-годишниот талент покажува значителен напредок, што не останало незабележано од Карло Анчелоти и неговиот стручен штаб.
Со своите добри игри тој стигна и до националниот тим на Франција, каде веќе има одиграно еден натпревар за „петлите“.
Лукеба е поранешен играч на Лион, но минатата година беше купен од Лајпциг за 34 милиони евра. Оттогаш, дефанзивецот одигра 48 натпревари за германскиот клуб и постигна еден гол.
