Реал Мадрид е подготвен да го ангажира италијанскиот стратег Масимилијано Алегри како наследник на Зинедин Зидан, кој многу веројатно ќе си замине од „кралскиот клуб“ по завршувањето на сезоната. Иако во опција е и легендата на клубот Раул Гонзалес, сепак, Алегри е првиот пик на Флорентино Перез.
Италијанскиот медиум „Газета дело спорт“ го објави и договорот што Флорентино Перез му го понуди на поранешниот тренер на Јувентус. Станува збор за договор за две сезони со можност за продолжување за трета година и заработка од 10 милиони евра за секоја од првите две сезони.
Реал Мадрид е во битка за освојување на шампионската титула во Ла Лига и во пресрет на последното коло има два бода негатива во однос на лидерот Атлетико Мадрид.
