Интересен договор постигнаа шпанските гиганти Реал Мадрид и Барселона. Според шпанскиот весник „Марка“, претседателите на клубовите Флорентино Перез и Хоан Лапорта договориле пакт со кој ќе престане непријателството во спортскиот сегмент.
Двајцата претседатели си подадоа рака и постигнаа вербален договор за меѓусебно почитување меѓу играчите според договорот.
Перез и Лапорта наводно се договориле да не ги „напаѓаат“ играчите од противничкиот тим доколку тој има важечки договор.
Овој договор не важи за играчи на кои им истекува договорот и тој ќе може да оди од еден тим во друг без да прекрши збор.
