Реал Мадрид е во сериозна неволја откако се повреди еден од клучните играчи, Винисиус Жуниор. Тој ќе отсуствува до почетокот на февруари, откако се повреди на настап за бразилскиот национален тим.
„Кралскиот клуб“ е второпласиран во Ла Лига, додека во Лигата на шампионите е блиску до освојување на групата.
Шпанските медиуми пренесуваат дека Флорентино Перез и тренерот Карло Анчелоти бараат алтернатива за повредениот Винисиус Жуниор и засега една од опциите е позајмица на Тимо Вернер.
Германскиот репрезентативец минатата година се врати во Лајпциг од Челси, каде што не успеа да се снајде најдобро. Во Лајпциг повторно ја пронајде својата препознатлива форма.
