Белгискиот интернационалец Еден Азар оди на трансфер – листа во Реал Мадрид. Тој постојано е повреден, во него беа вложени 150 милиони евра, а клубот одлучи да го продаде трипати поевтино од вложената сума.
Раководството на „кралскиот клуб“ размислува дека со продажбата ќе ги скрати трошоците и за неговата голема плата, а ќе може да донесе и нов фудбалер, напаѓач кој ќе биде поддршка за Карим Бензема во нападот.
Азар дојде како голема ѕвезда од Челси, но одигра само 36 натпревари, постигна четири гола и забележа четири асистенции и остана должен кон фановите на Реал Мадрид. Очигледно дека „кралевите“ немаат веќе намера да го чекаат да се врати во старата добра форма.
