Разиграната и ефикасна Македонија го испрати Лихтенштајн со пет „парчиња“ (ВИДЕО)

Фудбалската репрезентација на Македонија со убедливи 5-0 го совлада Лихтенштајн во петтото коло од квалификациите за Светското првенство 2026 и повторно се искачи на првото место во групата Ј.

На „Тодор Проески“ избраниците на Благоја Милевски од самиот почеток наметнаа доминација. Во 15. минута Елиф Елмас со маестрална соло-акција елиминира четворица дефанзивци и со прецизен удар го отвори резултатот.

До паузата, Македонија имаше уште неколку изгледни шанси преку Елмас и Трајковски, но голманот Бухел го спречи повисокото водство.

Во вториот дел „црвено-жолтите“ ја потврдија надмоќта. Капитенот Енис Барди во 52. минута зголеми на 2-0 по асистенција на Бојан Илиевски, а само четири минути подоцна Дарко Чурлинов погоди за 3-0.

Лирим Ќамили потоа се впиша во листата на стрелците со убав погодок за 4-0, а конечниот резултат го постави Лука Станковски, кој со својот прв гол за националниот тим ја заокружи голеадата, 5-0.

Селекторот Милевски искористи прилика да направи неколку, па деби настапи запишаа Елмин Растодер и Решат Рамадани, додека шанса добија и Ќамили, Милан Ристовски и Лука Станковски.

Со оваа убедлива победа Македонија ги потврди високите амбиции и останува во борба за врвот и пласман на Мундијалот.

Фото: ФФМ

КВАЛИФИКАЦИИ ЗА СВЕТСКОТО ПРВЕНСТВО, 5.КОЛО

МАКЕДОНИЈА – ЛИХТЕНШТАЈН 5-0 (1-0)
Национална Арена „Тодор Проески“. Судија: Хорациу Фесник (Романија).

Стрелци: Елмас 15′, Барди 52′, Чурлинов 56′ (М), Ќамили 82′, Л. Станковски 90′.

Ж. картони; Илиевски (М), Обервадицер (Л).

МАКЕДОНИЈА: Димитриевски, Илиевски, Стојчевски, Зајков, Алиоски, Алими (71′ Рамадани), Барди, Елмас (82′ Л. Станковски), Чурлинов (59′ Ќамили), Миовски (71′ Ристовски), Трајковски (59′ Трајковски).

ЛИХТЕНШТАЈН: Бухел, Малин, Трабер (38′ Бек), Хофер (46′ Обервадицер), Волфингер (61′ Мејер), Лухингер (А.Хаслер), Н. Хаслер, Селе, Гопел, Луке-Нотаро, Саглам (75′ Нецер).