Манчестер Јунајтед оствари многу важна победа на „Олд Трафорд“ совладувајќи го Вулверхемптон со 1-0 со голот на Маркус Рашфорд во четвртата минута од судиското продолжение. Со овој триумф „црвените ѓаволи“ се искачија на второто место на табелата во Премиер – лигата со два бода негатива во однос на лидерот Ливерпул.
Бруно Фернандеш ја имаше најубавата шанса за Манчестер Јунајтед пред решавачкиот гол, но не успеа да ја реализира, а пред самиот крај, Маркус Рашфорд постигна екстремно важен гол за составот на Оле Гунар Солскјер. Сега „ѓаволите“ се дефинитивно вклучени во трката за шампионската титула.
