УЕФА одлучи Маркус Рашфорд да добие само еден натпревар суспензија во Лигата на шампионите по црвениот картон на натпреварот помеѓу Манчестер Јунајтед и Копенхаген.
Така, ѕвездата на „црвените ѓаволи“ ќе го пропушти гостувањето кај Галатасарај, но ќе биде на располагање за последниот меч на тимот во групната фаза на турнирот против Баерн Минхен.
Средбата со Баварците може да се покаже како исклучително важна бидејќи тимот предводен од Ерик Тен Хаг моментно е на последното место со 3 бода, а Галатасарај и Копенхаген имаат по 4.
Манчестер Јунајтед на 29 ноември гостува кај турскиот гигант, а на 12 декември ќе го пречека Баерн Минхен.
