Искусниот италијански стратег Клаудио Раниери им подели совети на Роберто Манчини и на фудбалерите дека Италија во никој случај не смее да ја потцени Македонија.
„Се работи за еден натпревар. Италија не смее во никој случај да мисли на финалето и да ја потцени Македонија. Во таков случај, постои ризик натпреварот да отиде во непосакуван правец“, изјави Раниери.
Македонскиот национален тим утре патува за Палермо, а плеј-оф мечот за пласман на Светското првенство е закажан за 24 март, со почеток во 20.45 часот.
