УЕФА потврди: Србите ќе ја пречекаат Албанија во Лесковац

УЕФА донесе одлука квалификацискиот дуел меѓу Србија и Албанија да се одигра во Лесковац.

Првичниот план беше натпреварот да се игра во Белград, но по нередите на трибините за време на мечот со Англија, Фудбалскиот сојуз на Србија побара промена на местото на одигрување. УЕФА ја прифати нивната иницијатива и официјално потврди дека домаќин ќе биде стадионот на ФК Дубочица во Лесковац.

По тешкиот пораз од Англија, за избраниците на Србија овој натпревар со Албанија добива дополнителна тежина – победата е императив доколку сакаат да останат во борба за бараж и пласман на Светското првенство.