Македонскиот прволигаш Работнички од денеска е на подготовки во Охрид. Таму тренерот Гоце Седлоски ќе ја реализира следната фаза од подготовките на тимот, наменета за подобрување на физичката подготвеност.
Потоа „романтичарите“ ќе заминат и во Хрватска, каде треба да одиграат неколку пријателски натпревари.
Засега е тивко во таборот на Работнички кога е во прашање зимскиот преоден рок. Нема нови имиња во тимот, а замина единствено искусниот напаѓач Крсте Велкоски, кој е нов член на Македонија ЃП.
