Македонскиот прволигаш Работнички одигра пријателски натпревар против турскиот гигант Трабзонспор на подготовките во Словенија и загуби со 4-1. На дуелот во Љубљана пресуди поголемото искуство на турскиот тим.
Максимилијано Гомез во осмата минута го отвори резултатот, а израмни Мевљан Мурати во 17.минута со помош и на голманот Угурчан Чакир.
Трабзонспор повторно поведе во 40.минута со голот на Анастасиос Бакасетас.
Во вториот дел, Ерен Елмали во 63.минута постигна трет погодок за Транзонспор, а конечниот резултат го постави Енис Дестан во 88.минута од мечот.
