Актуелниот првак Шкупи има убедливо водство (0-3) по првото полувреме на мечот против Работнички на стадионот „Борис Трајковски“. Сепак, „романтичарите“ се „ограбени“ за чист гол што го постигна напаѓачот Анес Рушевиќ и во тој момент ќе израмнеше на 1-1, но асистентот сигнализираше офсајд позиција која не постоеше.
Сабдеј Адетунџи беше двоен стрелец, а третиот гол беше акција на Валид Хамиди по која Исмаили постигна автогол.
На останатите натпревари по првото полувреме резултатите се следни: Брегалница – Победа 2-0, Скопје – Струга ТЛ 0-0, Академија Пандев – Тиквеш 0-1, Силекс – Македонија ЃП 0-2.
