Францускиот шампион Пари Сен Жермен остана без ѕвездата Килијан Мбапе за претсезонската турнеја низ Јапонија, а иднината на играчот во клубот е неизвесна поради спорот околу неговиот договор.
Мбапе веќе најави дека нема да ја активира клаузулата за продолжување на договорот за уште 12 месеци, туку претстојната сезона ќе ја започне со парижаните. Сепак, тој беше изоставен од 29-члениот состав кој отпатува за Јапонија, а во саботата тренираше со тимот.
Францускиот репрезентативец не ја коментираше ситуацијата, но изгледаше дека е расположен, насмеан и се фотографираше со навивачите кои го чекаа.
ПСЖ не сака да дозволи Мбапе да замине без отштета на крајот од следната сезона. Клубот постави услов или да биде потпишан нов договор или да го продаде играчот ова лето. Напаѓачот сака да остане со парижаните до следната година, а потоа да игра за Франција на Олимпијадата – барање што ќе треба да биде одобрено од фудбалската федерација на земјата и од клубот.
