Францускиот првак Пари Сен Жермен го ангажираше Маурисио Покетино за нов тренер, а тој планира значително да го реновира составот на „светците“ за следната сезона. Во овој зимски преоден рок Покетино и нема на располагање голем фонд на квалитетни фудбалери кои би можел да ги доведе, се најавува доаѓањето на Кристијан Ериксен од Интер кој е ставен на трансфер – листа и би дошол во Париз како дел од размена во која Леандро Паредес ќе се пресели во Милано.
Но, затоа на лето Покетино подготвува вистинска „револуција“. Ќе биде направен обид да се привлече Лионел Меси, но многу поголем акцент е ставен на четворица фудбалери од Серија А. ПСЖ ги посакува Џанлуиџи Донарума и Тео Хернандез од Милан, Калиду Кулибали од Наполи, Сергеј Милинковиќ – Савиќ од Лацио и Пауло Дибала од Јувентус.
Покрај овие желби, извесно е доаѓањето и на Деле Али од Тотенхем. Секако, раководството нема да може да ги исполни сите желби на Маурисио Покетино затоа што ќе мора да внимава и на финансискиот фер-пеј.
Од „Паркот на принцовите“ треба да заминат Дракслер, Паредес, Геје, Херера, Керер, а можеби и Икарди.
