ПСЖ сака да го „грабне“ Нголо Канте пред Барселона и пред Интер

Францускиот првак Пари Сен Жермен е сериозно заинтересиран да го доведе Нголо Канте по завршувањето на сезоната. Одличниот играч за врска на лето ќе биде слободен агент, а ПСЖ сака да потпише преддоговор со Французинот уште во јануари.

Канте влезе во последната година од договорот, а сега веќе стана јасно дека нема да го продолжи договорот со Челси.

За Нголо Канте се заинтересирани и Барселона, Интер и Јувентус, а „светците“ ќе се обидат да реагираат најбрзо и да ја склучат зделката.