Пари Сен Жермен ова лето нема да прифати понуди за 21-годишниот играч за врска, Чави Симонс, кој оваа сезона е позајмен во Лајпциг, објави каталонскиот „Спорт“. Според изворот, парижаните ја затвориле вратата за секој кој сака да ги ангажира услугите на фудбалерот.
Барселона би сакала да го доведе Чави Симонс за следната сезона, но раководството на ПСЖ и Луис Енрике на него сметаат сериозно во францускиот првак.
Чави Симонс оваа сезона забележа 42 настапи за германскиот клуб во сите натпреварувања, постигнувајќи девет гола и 15 асистенции. Неговиот договор со клубот од Лајпциг е до крајот на тековната сезона.
