Пари Сен Жермен го избегна вториот пораз во првенството на Франција откако одигра 1-1 на гостувањето против Ленс. „Светците“ налетаа на мотивираниот домаќин кој имаше водство со голот на Секо Фофана во 62.минута, но израмни Џорџинио Вајналдум во судиското продолжение од мечот.
Можеби и малку неспортски, во момент кога фудбалерите на ПСЖ застанаа, барајќи да му се укаже помош на Меси кој беше долу на теренот, Секо Фофана се одлучи на удар од 30 метри. Не реагираше најдобро Кејлор Навас и топката отседна во неговата мрежа.
Килијан Мбапе имаше шанса за израмнување, но не успеа, а тоа сепак го стори Џорџинио Вајналдум во 92.минута од натпреварот. Две минути подоцна, Лионел Меси имаше можност да донесе и триумф од слободен удар, но не беше прецизен.
