Францускиот тим ПСЖ ќе биде сериозно ослабен на утрешното гостување против Лајпциг во Лигата на шампионите. Аргентинскиот ас Лионел Меси не е во комбинација за настап на оваа средба поради повреда.
Тој беше повлечен на полувремето на натпреварот против Лил во француското првенство и лекарскиот тим на ПСЖ вели дека во моментот не е максимално подготвен за настап. Спортскиот директор Леонардо напомена дека Меси има проблеми со честите патувања и дека поради тоа најмногу страдаат мускулите.
Покрај Меси, тренерот Маурисио Покетино во тимот ќе го нема и Марко Верати, а неизвесен е настапот и на Килијан Мбапе.
